VIII დღე

 გავეცანით სხვადასხვა ნიმუშს განსაკუთრებული საჭიროების მოსწავლეებისთვის დასახმარებლად. შევქმენით ჩვენი პროექტის შესაბამისი დამხმარე ნიმუში ასეთი მოსწავლისთვის.
ჩვენი პროექტის პორტფოლიო ავტვირთეთ ,,google drive''- ში და გამოვაქვეყნეთ ბლოგზე.

ჩემი პროექტის ,,ჭიდილი 2 016 ''  პორტფოლიო

VII დღე

 დავასრულეთ პროექტის გეგმის პროცედურებზე მუშაობა.
 ვიმუშავეთ სახელმძღვანელოს მეექვსე მოდულზე. ჩამოვაყალიბეთ, თუ როგორ მოვახდენთ დიფერენცირებული დავალებების მიცემას განსაკუთრებული საჭიროების, არაქართულენოვანი, განსაკუთრებული ნიჭიერების მოსწავლეებისთვის.

VI დღე

  დავიწყეთ პროექტის  სასწავლო პროცედურების დაგეგმვა. დავასრულეთ მოსწავლის სავარაუდო ნაშრომზე მუშაობა.
  გავეცანით, თუ როგორ მოვახდინოთ განმავითარებელი თვითშეფასება, რომელიც დაგვეხმარება შეფასების გეგმის შედგენის პროცესში.
  ვისაუბრეთ  შეფასების რუბრიკებზე. შევქმენით პრეზენტაციის შეფასების რუბრიკები  ჩვენი პროექტის პრეზენტაციისთვის.

V დღე

   ვიმუშავეთ ბლოგზე ახალი გვერდის შექმნაზე,  ბლოგის მნახველთა რაოდენობის შესაბამისი დიაგრამის დაყენებაზე, ვისწავლეთ გამოკითხვის გაჯეტის დადება. დავიწყეთ მუშაობა პროექტის განხორციელებისას მოსწავლის ნიმუშის შექმნაზე, რომელიც მოსწავლეს შეუქმნის წარმოდგენას მის მიერ შესასრულებელ სამუშაოზე, ამავე დროს შეუძლია შეცვალოს თავისი შეხედულებისამებრ (პედაგოგთან კონსულტაციით).
  მივიღეთ საშინაო დავალება: მოვიფიქროთ და დავიწყოთ პროექტისთვის სასწავლო პროცედურების აღწერა.
   

IV დღე

  ვიმუშავეთ სახელმძღვანელოს  მოდული 2-ის მესამე აქტივობაზე. გავეცანით პროექტის დასაწყისში, პროექტის მსვლელობისას და პროექტის დასასრულს შეფასების მეთოდებს.  გავაკეთეთ შესაბამისი ჩანაწერები ჩვენს მიერ განსახორციელებელი პროექტის გეგმის შაბლონში.
 შევასრულეთ:   ბლოგზე სურათის დადება, ვიდეოს ატვირთვა.

III დღე

   დავასრულეთ მშობლებისთვის ბუკლეტზე მუშაობა.

  ვიმუშავეთ სახელმძღვანელოს II მოდულზე: ჩვენს მიერ განსახორციელებელი პროექტის მისაღწევ შედეგებზე ეროვნული სასწავლო გეგმის მიხედვით,
  გავეცანით :
 ა)განახლებული ბლუმის ტაქსონომიის და XXI საუკუნის უნარ-ჩვევების შესაბამის ლექსიკას
  ბ) ნიმუშებს, სადაც მოცემული იყო მიმართულების მიმცემი საკვანძო კითხვების მაგალითები.
  შევასრულეთ ჯგუფური სამუშაო: შევავსეთ ცხრილი, სადაც საჭირო იყო ზოგადი და თემატური კითხვების დასმა.